Historia do clube
Keltoi é o equipo de fútbol gaélico que representa a Vigo na Liga Galega de Fútbol Gaélico.
Fundouse en agosto de 2014, e forma parte da Asociación Galega de Fútbol Gaélico. Esta asociación está recoñecida a nivel internacional e con carácter oficial pola GAA, o máximo organismo dos deportes gaélicos.
Só en Galicia, o fútbol gaélico xa contaba con máis de 500 xogadores en 2015.
No ano 2022, Keltoi conseguiu os seus primeiros títulos oficiais absolutos coa conquista da Copa Asociación e a Copa de Galicia.
No ano 2023, Keltoi proclamouse campión da Copa Asociación e participou na Paneuropeo celebrada na Coruña.
En 2023, Keltoi organizou e participou no Campionato Ibérico, coa presenza dos mellores clubs masculinos e femininos de España e Portugal.
Qué motivou Keltoi?
O primeiro ano Keltoi tiña en mente obxectivos precisos:
- Crear equipos con opcións de competir ó máximo nivel.
- Promocionar o fútbol gaélico en Vigo e Galicia.
- Impartir actividades de formación base para mozos.
- Promocionar os valores do deporte.
Se algo caracterizou os nosos primeiros anos de vida, foi a ilusión e a enerxía que todos os compoñentes do equipo poñen dentro e fóra do dos adestramentos o que convirte a Keltoi nun dos clubs referentes deste deporte en Galciia.
Keltoi nos medios
Aínda que estamos en fase de crecemento, este deporte é cada vez máis atractivo para os medios de comunicación. Nos últimos anos a prensa galega dedicaron incluso páxinas completas ó noso equipo tanto na edición dixital coma na edición en papel, como se observa nos exemplos:
Pero, qué é o fútbol gaélico?
O Fútbol Gaélico, regulado internacionalmente pola Asociación Atlética Gaélica ( GAA), é unha variante do fútbol xogado principalmente en Irlanda, sendo o deporte máis popular do país.
Xógase 15 contra 15 (no noso país son 9), nun campo rectangular de césped, con porterías en forma de H.
O obxectivo principal é anotar puntos pateando ou golpeando o balón coas mans e introducilo na meta rival. Pódese marcar goles, que valen 3 puntos, introducindo o balón na portería; ou se poden anotar tantos, que valen 1 punto, lanzando o balón por encima do traveseiro.
O equipo que máis puntos ten ao final do partido, gana. Os xogadores avanzan polo campo levando o balón nas mans, pateándoo ou pasándoo entre compañeiros do equipo.
A Liga Galega de Fútbol Gaélico
A Liga Galega de Fútbol Gaélico é unha competición que se desenvolve os fins de semana entre os meses de outubro e maio. Somos unha liga federada integrada na federación galega de fútbol e na GGE (Gaelic Games Europe).
A tempada 2023-24 é a duodécima da liga galega de fútbol gaélico e, ademais da liga, os clubs participan noutras competicións como a Copa, o trofeo All- Galicia, o campionato ibérico e paneuropeo de clubs, ademais de outros torneos de carácter amigable.
